Weekend Reflection -2

അധ്യാപന പരിശീലനത്തിന്റെ ഓരോ ഘട്ടവും ഓരോ ദിനങ്ങളും കടന്നുപോകുന്തോറും സ്വന്തം കഴിവുകളെ കൂടുതൽ മെച്ചപ്പെടുത്തുവാനുള്ള അവസരമാണ് ലഭിക്കുന്നത്. ആശയങ്ങളെ വ്യക്തതയോടെ അവതരിപ്പിക്കുവാനും ക്ലാസ് മുറിയിലെ വിദ്യാർത്ഥികളെ നിയന്ത്രിക്കുവാനുമുള്ള പ്രാപ്തി ദിനംപ്രതി വർദ്ധിക്കുന്നതായി തോന്നാറുണ്ട്. മറ്റു തടസ്സങ്ങൾ ഒന്നുമില്ലാതെ അധ്യാപന പരിശീലനത്തിന്റെ മറ്റൊരു വാരം കൂടി പൂർത്തിയാക്കുവാൻ സാധിച്ചു.  ലെസ്സൺ പ്ലാൻ പ്രകാരമുള്ള ക്ലാസുകൾ കൈകാര്യം ചെയ്യുകയും സ്കൂളിലെ പ്രധാന അധ്യാപികയുടെയും മറ്റ് അധ്യാപകരുടെയും നിർദ്ദേശപ്രകാരമുള്ള ചുമതലകൾ കാര്യക്ഷമമായി നിർവഹിക്കുകയും സ്കൂളിന്റെ പ്രവർത്തനങ്ങളുടെ ഭാഗമാവുകയും ചെയ്തിരുന്നു.

     പഠന ആശയങ്ങളുടെ അവതരണവുമായി ബന്ധപ്പെട്ട ആവശ്യമായ തയ്യാറെടുപ്പുകൾ ചെയ്തിരുന്നു. ക്ലാസ്സിൽ അവതരിപ്പിച്ച എല്ലാ ആശയങ്ങൾക്കും പിന്നിൽ കൃത്യമായ ആസൂത്രണവും മുന്നൊരുക്കങ്ങളും ഉണ്ടായിരുന്നു.   ആശയങ്ങൾക്ക് ഏറ്റവും അനുയോജ്യമായ പ്രവർത്തനങ്ങൾ തിരഞ്ഞെടുക്കുകയും പഠിതാക്കൾക്ക് പ്രവർത്തനം ചെയ്യുന്നതിന് ആവശ്യമായ എല്ലാവിധ നിർദ്ദേശങ്ങളും നൽകിയിരുന്നു. പഠന ആശയ അവതരണത്തിൽ തെറ്റുകൾ വരാതെ പരമാവധി ശ്രദ്ധ നൽകിയിരുന്നു. മുൻ ക്ലാസുകളിൽ നിന്നും ലഭിച്ച അനുഭവങ്ങളെ മുൻനിർത്തി കൊണ്ടാണ് ഈ വാരത്തിലെ എല്ലാ ക്ലാസ്സുകളും എടുത്തത്.  

ഈ വാരത്തിൽ ഉടനീളം കൊല്ലം ജില്ലാ കലോത്സവം നടക്കുകയായിരുന്നതിനാൽ അധ്യാപകരുടെ ദൗർലഭ്യം ഉണ്ടായിരുന്നു. അധ്യാപകർ മത്സരാർത്ഥികളോടൊപ്പം വിവിധ വേദികളിൽ അവർക്കാവശ്യമായ പിന്തുണ നൽകുവാൻ പോയിരുന്നു. ഈ അവസരങ്ങളിൽ എല്ലാ സ്കൂൾ പ്രവർത്തനങ്ങളിലും സജീവമായ പിന്തുണയും പങ്കാളിത്തവും നൽകിയിരുന്നു. മത്സരാർത്ഥികളുടെ പരിശീലന സമയങ്ങളിൽ പ്രധാന അധ്യാപികയുടെ നിർദ്ദേശപ്രകാരം മേൽനോട്ടം വഹിക്കുകയും ചെയ്തിരുന്നു.

 

 സ്കൂൾ  ലൈബ്രറിയിൽ ഒരു റീഡിങ് കോർണർ സ്ഥാപിക്കുന്നതും ആയി ബന്ധപ്പെട്ട ഉപകരണങ്ങളുടെ കൃത്യമായ കണക്കെടുത്തുകൊണ്ട് അവയെ അടുക്കിവെക്കുവാൻ ലൈബ്രറി ചുമതലയുള്ള മലയാളം അധ്യാപിക സൂസൻ ടീച്ചറിനെ സഹായിച്ചിരുന്നു. ലൈബ്രറി നവീകരണത്തിൽ ടീച്ചർ ആവശ്യമായ എല്ലാ സഹായങ്ങളും നൽകുന്നതിൽ പ്രത്യേകം ശ്രദ്ധ പുലർത്തിയിരുന്നു. അധ്യാപന പരിശീലന കാലഘട്ടം എല്ലാതരത്തിലും ഒരു അധ്യാപക വിദ്യാർത്ഥിയെ മികച്ച അധ്യാപികയാക്കി മാറ്റുവാൻ പ്രാപ്തയാക്കുന്നു. ഒരു അധ്യാപികയുടെ വ്യത്യസ്തങ്ങളായ ചുമതലകളെ കുറിച്ച് ഈ പരിശീലന പരിശീലന കാലയളവിൽ തിരിച്ചറിയുവാൻ സാധിച്ചു . ഒരുപാട് പുതിയ അറിവുകളും പാഠങ്ങളും അനുഭവങ്ങളും നേടിയെടുക്കുവാൻ ഈ പരിശീലന കാലഘട്ടം വളരെയധികം സഹായകമായി.

Weekend Reflection -1

 രണ്ടാംഘട്ട അധ്യാപന പരിശീലനത്തിന്റെ ഭാഗമായി വീണ്ടും തിരികെ പുത്തൂർ ഗവൺമെൻറ് ഹയർ സെക്കൻഡറി സ്കൂളിൽ എത്തിയപ്പോൾ മനസ്സിൽ സന്തോഷം തോന്നി ആദ്യഘട്ട പരിശീലന കാലത്തെ പോലെ ആശങ്കകൾ ഒന്നും മനസ്സിൽ ഉണ്ടായിരുന്നില്ല സ്കൂൾ അന്തരീക്ഷവുമായി നല്ല രീതിയിൽ ഇതിനോടകം പൊരുത്തപ്പെട്ടിരുന്നു നന്നായി പൂർത്തിയാക്കുവാൻ സാധിച്ചു മൂന്ന് പ്രവർത്തി ദിനങ്ങൾ ആണ് ലഭിച്ചത് ക്ലാസുകൾ എടുക്കുകയും സ്കൂളിലെ പ്രധാന അധ്യാപികയുടെ മറ്റ് അധ്യാപകരുടെയും നിർദ്ദേശപ്രകാരമുള്ള ചുമതലകൾ നിർവഹിക്കുകയും എല്ലാ പ്രവർത്തനങ്ങളിലും പങ്കെടുക്കുകയും പിന്തുണയും പങ്കാളിത്തവും നൽകുകയും ചെയ്തു. 

 പഠന ആശയങ്ങളുടെ അവതരണവുമായി ബന്ധപ്പെട്ട് കൃത്യമായി മുന്നൊരുക്കങ്ങൾ നടത്തിയിരുന്നു പ്രധാനമായും രണ്ട് ക്ലാസുകളാണ് ഈ വാരത്തിൽ എടുക്കുവാൻ സാധിച്ചത് ക്ലാസിൽ അവതരിപ്പിച്ച എല്ലാ പഠനാശങ്ങൾക്കും പിന്നെ കൃത്യമായി മുന്നൊരുക്കങ്ങളും ആസൂത്രണവും ഉണ്ടായിരുന്നു പഠന ആശയങ്ങൾ ഏറ്റവും അനുയോജ്യമായ പ്രവർത്തനങ്ങൾ തിരഞ്ഞെടുക്കുകയും പ്രവർത്തനം ചെയ്യുന്നതിന് ആവശ്യമായ എല്ലാവിധ നിർദ്ദേശങ്ങളും നൽകിയിരുന്നു ആവശ്യമായ എല്ലാ പഠനോപകരണങ്ങൾ നേരത്തെ തന്നെ തയ്യാറാക്കിയിരുന്നു പ്രത്യേകം ശ്രദ്ധ പുലർത്തുകയും ചെയ്തു പഠിതാക്കൾ പഠനപ്രക്രിയയുമായി പങ്കെടുക്കുന്നതിനാൽ മനസ്സിൽ സന്തോഷം തോന്നിയിരുന്നു.  ലോക ശിശുദിനം ഈ വാരത്തിലായിരുന്നു അന്താരാഷ്ട്ര ശിശുദിനം ആദ്യമായി പ്രഖ്യാപിച്ചത് 1950 ആയിരുന്നു ലോകമെമ്പാടുമുള്ള കുട്ടികൾക്കിടയിൽ അവബോധം വളർത്തുന്നതിനും ആഗോള ഒത്തൊരുമിക്കും കുട്ടികളുടെ ക്ഷേമ പ്രവർത്തനങ്ങൾക്കുമായാണ് ഈ ദിവസം ആചരിക്കുന്നത്. ഈ ദിവസത്തിൻറെ പ്രാധാന്യത്തെക്കുറിച്ച് പഠിതാക്കളിൽ ഒരു അവബോധം സൃഷ്ടിക്കുവാൻ സാധിച്ചു.  

കലോത്സവം കുളക്കട സർക്കാർ സ്കൂളിൽ വച്ച് നടന്നുവരികയാണ്. വിവിധ മത്സരങ്ങളിൽ പങ്കെടുക്കുവാനായി വിദ്യാർഥികളും അവർക്കാവശ്യമായ സഹായവും പിന്തുണയും നൽകുവാനായി അധ്യാപകരും കലോത്സവം നഗരിയിൽ പോയിരുന്നു. 

അധ്യാപകർ കലോത്സവം ചുമതലയുമായി ബന്ധപ്പെട്ട തിരക്കുകളിൽ ആയിരുന്നതിനാൽ എല്ലാ ക്ലാസ്സുകളുടെയും ചുമതല ഞങ്ങൾ അധ്യാപക വിദ്യാർത്ഥികൾക്ക് നൽകിയിരുന്നു. സ്കൂളിലെ എല്ലാ വിദ്യാർത്ഥികളെയും നിയന്ത്രിക്കുന്നതിലും സ്കൂൾ പ്രവർത്തനങ്ങളെ ഏകോപിപ്പിക്കുന്നതിലും നേരിയ ബുദ്ധിമുട്ട് അനുഭവപ്പെട്ടിരുന്നു എങ്കിലും ഇത്തരം ഒരു അനുഭവം പുതുമയുള്ളതായിരുന്നു വിദ്യാർഥികളെ നിയന്ത്രിക്കുവാൻ പ്രവർത്തനങ്ങളെ കാര്യക്ഷമമായി നടപ്പിലാക്കുവാനും അധ്യാപകർ എത്രമാത്രം പരിശ്രമിക്കണമെന്ന് ഈ അനുഭവത്തിലൂടെ മനസ്സിലാക്കാൻ സാധിച്ചു. വ്യത്യസ്തമായ അനുഭവങ്ങളാണ് ഈ വാരത്ത് ലഭിച്ചത് പരിസരത്തിന്റെ ഓരോ ഘട്ടവും ദിനങ്ങളും കടന്നുപോകുന്നതും വ്യത്യസ്തങ്ങളായ അനുഭവങ്ങളും അറിവുകളും നേടിയെടുക്കുവാൻ കഴിയുന്നു.

Teaching practice- 2nd phase

 ഫലപ്രദമായ അധ്യാപക വിദ്യാഭ്യാസത്തിനു അധ്യാപന പരിശീലനം അവിഭാജ്യമായ ഘടകമാണ് . രണ്ടാം ഘട്ട അധ്യാപന പരിശീലനത്തിനായി ഒരു ചെറിയ ഇടവേളയ്ക്കു ശേഷം വീണ്ടും തിരികെ പുത്തൂർ ഗവണ്മെന്റ് ഹയർ സെക്കന്ററി സ്കൂളിൽ എത്തിച്ചേർന്നു . ഒന്നാം ഘട്ട പരിശീലനത്തിന്റെ ആദ്യ ദിനത്തിൽ അനുഭവപ്പെട്ട ആശങ്കകളൊന്നും ഇപ്പോൾ മനസ്സിലില്ല.  ഈ സ്കൂളിന്റെ അന്തരീക്ഷവുമായി വളരെയധികം പൊരുത്തപ്പെടുവാൻ സാധിച്ചു. അതിനാൽ വളരെ സന്തോഷത്തോടു കൂടിയാണ് പരിശീലനത്തിന്റെ രണ്ടാം ഘട്ടം ആരംഭിച്ചത് .  128 വർഷത്തെ വിദ്യാഭ്യാസ ചരിത്രവും പാരമ്പര്യവുമുള്ള പുത്തൂർ സർക്കാർ സ്കൂളിന്റെ ഒരു ഭാഗമാകുവാൻ സാധിച്ചത് ഭാഗ്യമായി കരുതുന്നു.

Weekend Reflection - 10

 വിദ്യാർത്ഥികളുടെ ജീവിതത്തിൽ ശാശ്വതമായ സ്വാധീനം ചെലുത്തുവാനും അവരുടെ കഴിവുകളെ പരിപോഷിപ്പിക്കുവാനും അവരെ ഉത്തരവാദിത്തബോധമുള്ള പൗരന്മാരുമായി മാറ്റുന്നതിൽ അധ്യാപകർനിർനായ പങ്കുവഹിക്കുന്നു.  മറ്റു തൊഴിലുകൾക്ക് കൂടി അടിത്തറ പാകുന്ന തൊഴിലാണ് അധ്യാപനം. ഇത്തരത്തിലുള്ള ഒരു ശ്രേഷ്ഠമായ തൊഴിൽ ചെയ്യുവാനും അതിനെക്കുറിച്ച് പഠിക്കുവാൻ സാധിച്ചത് വളരെ സന്തോഷമുളവാക്കുന്നു. അധ്യാപന പരിശീലന കാലഘട്ടത്തിന്റെ അവസാന വാരവും വിജയകരമായി പൂർത്തിയാക്കുവാൻ സാധിച്ചു. ജീവിതത്തിൽ ഒരുപാട് അറിവുകളും അനുഭവങ്ങളും നേടിയെടുക്കുവാൻ പരിശീലന കാലഘട്ടം സഹായകമായി.

സപ്താംഗങ്ങൾ എന്ന പഠന ആശയത്തെ ഇന്നവേറ്റീവ്  ലെസ്സൺ ആയി ഈ വാരത്തിൽ അവതരിപ്പിക്കുകയുണ്ടായി. നിർമ്മിത ബുദ്ധിയുടെ  സഹായത്തോടെ ഒരു അനിമേഷൻ വീഡിയോ തയ്യാറാക്കിയിരുന്നു. അത് പ്രദർശിപ്പിച്ചു കൊണ്ടാണ്  ഇന്നോവേറ്റീവ് ലെസ്സൺ അവതരിപ്പിച്ചത്. പഠിതാക്കൾ വളരെ സജീവമായ ഊർജ്ജലരായി പഠനപ്രക്രിയയിൽ പങ്കെടുത്തു.

ഈ ആഴ്ചയിൽ നാഷണൽ  അച്ചീവ് മെൻറ് സർവ്വേയുടെ പരീക്ഷയുണ്ടായിരുന്നു.  ഒമ്പതാം ക്ലാസ്സിൽ പരീക്ഷ നടത്തുവാൻ അവസരം ലഭിച്ചു. അധ്യാപകരുടെ നിർദ്ദേശപ്രകാരമുള്ള മറ്റു ചുമതലകൾ നിർവഹിക്കും സ്കൂളിൻറെ പ്രവർത്തനങ്ങൾ സജീവമായി പങ്കെടുക്കുകയും ചെയ്തു.ബിഎഡ് കരിക്കുലത്തിൻറെ ഭാഗമായുള്ള അച്ചീവ്മെൻറ് ടെസ്റ്റ് നടത്തുവാൻ സാധിച്ചു. പരിശീലന ഘട്ടത്തിന്റെ അവസാന ദിനം സമ്മിശ്ര വികാരങ്ങൾ നിറഞ്ഞതായിരുന്നു. 

പഠന ആശയത്തിന്റെ അവതരണത്തിനുള്ള മുന്നൊരുക്കങ്ങൾ, ക്ലാസ് എടുക്കുക, സ്കൂൾ പ്രവർത്തനങ്ങളിലെ പങ്കാളിത്തം, അധ്യാപകരും വിദ്യാർത്ഥികളുമായുള്ള ഊഷ്മളമായ സൗഹൃദം, ഇവയെല്ലാം തന്നെ കഴിഞ്ഞു കുറച്ചു ദിവസങ്ങളായി ജീവിതത്തിലെ  ദിനചര്യയായിരുന്നു. അതുകൊണ്ട് തന്നെ സ്കൂൾ കവാടം നടന്നപ്പോൾ വല്ലാത്ത സങ്കടം മനസ്സിൽ അനുഭവപ്പെട്ടു. ജീവിതത്തിൽ എന്നും ഓർത്തിരിക്കാൻ സാധിക്കുന്ന  ഒരു പിടി നല്ല ഓർമ്മകൾ തന്ന,എനിക്ക് ഒരുപാട് ഇഷ്ടമുള്ള ഒരിടത്തേക്ക് വീണ്ടും തിരികെ വരാമെന്ന് ശുഭപ്രതീക്ഷയോടെ ഞാൻ അവിടെ നിന്നും പടിയിറങ്ങി.

ഇന്നൊവേറ്റീവ് ലെസ്സൺ - മൂന്നാം സെമസ്റ്റർ

ബി എഡ് കരിക്കുലത്തിന്റെ ഭാഗമായി ഒരു ഇന്നൊവേറ്റീവ് ലെസ്സൺ അവതരിപ്പിക്കുവാൻ നിർദേശിച്ചിട്ടുണ്ട്. അതിനു വേണ്ടി സപ്‌തംഗങ്ങൾ എന്ന ആശയം ആണ് ക്ലാസ്സിൽ അവതരിപ്പിച്ചത്. സപ്‌തംഗങ്ങൾ എന്ന പഠന ആശയത്തെ നിർമിത ബുദ്ധിയുടെ സഹായത്തോടെ ഒരു അനിമേഷൻ വീഡിയോ തയ്യാറാക്കിയാണ് ക്ലാസ്സിൽ അവതരിപ്പിച്ചത്. ദൃശ്യങ്ങളിലൂടെയുള്ള പഠന ആശയങ്ങളുടെ അവതരണം പഠിതാക്കളിൽ പഠന പ്രക്രിയയിൽ താല്പര്യം വർധിപ്പിക്കും എന്ന അനുമാനത്തിലാണ് ഇത്തരമൊരു അനിമേഷൻ വീഡിയോ തയാറാക്കിയത്. മാറുന്ന വിദ്യാഭ്യാസ മേഖലയിൽ കാലാനുസൃതമായ മാറ്റങ്ങൾ കൊണ്ടുവരുവാൻ ഇത്തരം അവസരങ്ങൾ സഹായിക്കുന്നു.

 https://youtu.be/9f1do-17ypk?si=U7Bvh-Kuz7vdFIA7

E Content

 E-Content means content in the electronic form It is a combination of text, audio, video, images, animation with visual effects Any digitalized Content that can facilitate the learning process and learning outcome can be termed as E-content E-Content can be transmitted over a computer network such as internet It is the digital texts, audios, videos, images and animations with visual effects. The quality of E-content depends on how the process is carried, what Content taught and how it is presented.

Switching from traditional textbooks to digital Course materials is a growing trend in school and higher education E-content is the need of the hour. E-content is a very powerful tool of education It is the latest method of instruction that has attracted attention of learners and teachers of all instruction Systems. E-Content can satisfy minimization of distance, cost effectiveness, uses friendly and adaptability to local conditions.

OBJECTIVES OF E-CONTENT DEVELOPMENT

• To store, preserve and provide access to a variety of digital resources to students and teachers
• Enable the participation of community in the development and sharing of digital resources
• To enhance the quality of the education system the country
• To facilitate teachers to create and share contextual teaching and learning resources
• To celebrate innovations in resource creation

BENEFITS OF E-CONTENT

• E-content is valuable to pupil and teacher of individual instructional system
• E-content abolishes the disparity among the harness
• Motivates students through appropriate use of interactive courseware
• E-content provides a student centered learning environment

ADDIE MODEL

The ADDIE model for E-learning is a good template for developing F-content The model comprises of five phases.

ANALYSIS: The analyses phase is the foundation for all other phases of instructional design During this phase, the investigates defines the problem, identifies the source of the problem and determines possible solutions The outputs of analysis phase will be the inputs for design phase

DESIGN: The design phase encompasses formulating a set of anticipated learning outcomes of objectives of the course, defining the sequential order on which the objectives should be achieved the outcome of design phase serves  as a blueprint for the developmental phase

DEVELOPMENT: The purpose of this phase is to generate the F-content Product The author constructs and develops the e-package with the help of hardware and Software The development of multimedia interactive content comprises of content development, storyboard development and courseware development

IMPLEMENTATION: The implementation phase refers to the actual delivery of the instruction, whether it is classroom based, lab based on web based This phase focuses on tryout and learners training Feedbacks and comments at this stage regarding the courseware helps us to mates improvement is E-content development

EVALUATION: The evaluation process occurs throughout the entire instructional design process within phases, between phases and after implementation. The developer Should evaluate learner's reaction, the achievement of learning objectives, the transfer of intended knowledge and Skills The F-Content developer reflects upon the evaluation results so as to ensure improvements in his future works.

STORY BOARD

Title - MAHAJANAPADAS

Objective - To prepare a video lesson about the Mahajanapadas that existed is                            Indian Subcontinent

Instructional Objective :To enable pupil to develop understanding about the                                                     Mahajanapadas

Time duration: 8 minutes

Media and material: Video, audio, images, text graphics

Medium for Programming - Microsoft Powerpoint Presentation.

Supporting software: Canva, Leanardo AI, Haiper AI

https://youtu.be/aX9sjjGl_oE?si=-S3qfKumkeGqQjtw

https://youtu.be/aX9sjjGl_oE?si=ZIeJZlRWe0DisK3e

Weekend Reflection- 9

 ഒരു അധ്യാപക വിദ്യാർത്ഥിനി എന്ന നിലയിൽ എനിക്ക് സ്വയം വിലയിരുത്തുവാനും എൻറെ കഴിവുകളെ തിരിച്ചറിയുവാനും അവ മെച്ചപ്പെടുത്തുവാനും പോരായ്മകളെ തിരുത്തുവാനും സാധിച്ച ഒരു സുവർണ്ണ അവസരമാണ് അധ്യാപന പരിശീലന കാലഘട്ടം. മറ്റു തടസ്സങ്ങളും ആശങ്കകളും ഇല്ലാതെ പരിശീലനത്തിന് മറ്റൊരുവാരം കൂടി പൂർത്തിയാക്കുവാൻ സാധിച്ചു. ഈ വാരത്തിൽ പ്രധാനമായും മൂന്നു ക്ലാസ്സുകളാണ് എടുത്തത്.  പ്രകാരമുള്ള ക്ലാസുകൾ എടുക്കുകയും സ്കൂൾ പ്രവർത്തനങ്ങളിൽ സജീവമായി പങ്കെടുക്കുകയും ചെയ്തു. ക്ലാസുകളിലെ ആശയങ്ങളുടെ അവതരണവുമായി ബന്ധപ്പെട്ട് കൃത്യമായി മുന്നൊരുക്കങ്ങൾ നടത്തിയിരുന്നു. ആശയങ്ങൾക്ക് അനുയോജ്യമായ പ്രവർത്തനങ്ങൾ തിരഞ്ഞെടുക്കുകയും, പഠിതാക്കൾക്ക് പഠനപ്രക്രിയയുമായി ബന്ധപ്പെട്ട പിന്തുണയും പ്രോത്സാഹനവും നൽകിയിരുന്നു. ആസൂത്രണം ചെയ്തത് പോലെ തന്നെ പഠന ആശയങ്ങളെ അവതരിപ്പിക്കുവാൻ സാധിച്ചതിൽ സംതൃപ്തി തോന്നി. കൊല്ലം റവന്യൂ ജില്ലാ ശാസ്ത്രമേള കൊല്ലത്ത് വച്ച് ഈ വാരത്തിൽ നടക്കുകയുണ്ടായി. മത്സരത്തിൽ മികച്ച പ്രകടനമാണ് പുത്തൂർ ഗവൺമെൻറ് സ്കൂളിലെ വിദ്യാർഥികൾ കാഴ്ചവെച്ചത്റവന്യൂ ജില്ലാ ശാസ്ത്രമേളയിൽ സാമൂഹ്യശാസ്ത്രമേള വിഭാഗത്തിൽ 49 പോയിന്റോടു കൂടി   ജി എച്ച് എസ് എസ് പുത്തൂർ ഒന്നാം സ്ഥാനം കരസ്ഥമാക്കി. കേരള പിറവി ദിനത്തോടനുബന്ധിച്ച് സ്കൂളിൽ ഒരു സ്പെഷ്യൽ അസംബ്ലി നടത്തിയിരുന്നു. കേരളത്തിന്റെ ലഘു ചരിത്രം കേരളപ്പിറവി ഗാനങ്ങൾ എന്നിവയെല്ലാം അസംബ്ലിയിൽ ഉൾപ്പെട്ടിരുന്നു.

പ്രധാന അധ്യാപിക ശാസ്ത്രമേള വിജയികളെ അനുമോദിക്കുകയും എൽ എസ് എസ് യു എസ് എസ് വിജയികൾക്കുള്ള സർട്ടിഫിക്കറ്റ് വിതരണം ചെയ്യുകയും ചെയ്തു. പഠിതാക്കളുടെ പ്രവർത്തനങ്ങളിൽ അധ്യാപകർ വഹിക്കുന്ന നിർണായ പങ്കിനെ കുറിച്ച് മനസ്സിലാക്കുവാനും അധ്യാപകർ വിദ്യാർഥികളിൽ ചെലുത്തുന്ന സ്വാധീനം എത്രമാത്രമാണ് തിരിച്ചറിയുവാനും ഈ പരിശീലന കാലഘട്ടം വളരെ സഹായകരമായി.