വിദ്യാർത്ഥികളിൽ വിമർശനാത്മക ചിന്തയും ക്രിയാത്മകതയും വളർത്തിയെടുക്കുന്നതിൽ സ്കൂളും അധ്യാപകരും നിർണായകമായ പങ്കുവഹിക്കുന്നു. അത്തരത്തിലുള്ള ഒരു കഴിവ് അധ്യാപന പരിശീലനത്തിലൂടെ ആർജിച്ചടുക്കുവാൻ സാധിക്കുന്നു. അധ്യാപന പരിശീലന കാലഘട്ടത്തിന്റെ മറ്റൊരുവാരം കൂടി വിജയകരമായി പൂർത്തിയാക്കുവാൻ സാധിച്ചു .5 പ്രവർത്തി ദിനങ്ങൾ ആയിരുന്നു ഈ വാരത്തിലുണ്ടായിരുന്നത്. പ്രധാന അധ്യാപികയുടെയും മറ്റ് അധ്യാപകരുടെയും നിർദ്ദേശപ്രകാരമുള്ള ചുമതലകൾ വഹിക്കുകയും സ്കൂളിന്റെ എല്ലാ പ്രവർത്തനങ്ങളിലും പിന്തുണയും പങ്കാളിത്തവും നൽകുവാൻ സാധിക്കുകയും ചെയ്തു.
ഈ വാരത്തിൽ ക്ലാസ്സിൽ അവതരിപ്പിച്ച എല്ലാ പഠന ആശയങ്ങൾക്കും വേണ്ടി കൃത്യമായ മുന്നൊരുക്കങ്ങളും തയ്യാറെടുപ്പുകളും നടത്തിയിരുന്നു. പഠന ആശയത്തിന്റെ അവതരണത്തിന് ആവശ്യമായ പഠനോപകരണങ്ങൾ ലെസ്സൺ പ്ലാൻ അനുയോജ്യമായ പ്രവർത്തനങ്ങൾ എന്നിവയെല്ലാം ചിട്ടയോടെ തയ്യാറാക്കുകയും അവ നടപ്പിലാക്കുകയും ചെയ്തിരുന്നു. വിവിധ മാതൃകകളിൽ ക്ലാസ് എടുക്കുവാൻ സാധിച്ചതിലും സന്തോഷം തോന്നി. ആശയ അവതരണത്തെ മികവുറ്റതായി മാറ്റുവാനുള്ള എല്ലാ മുന്നൊരുക്കങ്ങളും നടക്കുകയും അവ നടപ്പിലാക്കുകയും ചെയ്തിരുന്നു .പഠിതാക്കൾ പഠനപ്രക്രിയയിലും പ്രവർത്തനങ്ങളിലും വളരെ സജീവമായി ഊർജ്ജസ്വലതയോടെ പങ്കെടുക്കുകയും ചെയ്തിരുന്നു.
3, 6, 9 ക്ലാസ് വിദ്യാർത്ഥികൾക്കായി നാഷണൽ അച്ചീവ് മെൻറ് സർവ്വേയുടെ അവസാനഘട്ട പരീക്ഷ ഈ വാരത്തിൽ നടത്തിയിരുന്നു. ഓരോ ക്ലാസ് മുറികളിലും ചോദ്യപേപ്പറുകൾ എത്തിക്കുന്നതിനുള്ള ചുമതല പ്രധാന അധ്യാപിക നൽകുകയും അവ കൃത്യമായി നിറവേറ്റുകയും ചെയ്തിരുന്നു.
അടുത്ത ആഴ്ചയിൽ നടക്കുവാൻ പോകുന്ന അർദ്ധ വാർഷിക പരീക്ഷയുടെ തയ്യാറെടുപ്പിലായിരുന്നു സ്കൂൾ. പരീക്ഷയുമായി ബന്ധപ്പെട്ട പ്രധാന അറിയിപ്പുകൾ വിദ്യാർത്ഥികൾക്ക് നൽകുകയും പരീക്ഷ ടൈംടേബിൾ വിതരണം ചെയ്യുവാനും എല്ലാം അധ്യാപകരെ സഹായിച്ചിരുന്നു.
പഠിതാക്കളുടെ പ്രതികരണങ്ങളിൽ നിന്നും ക്ലാസ്സിനെ നയിക്കുവാനും ക്ലാസ് മുറിയിലെ അച്ചടക്കം നിയന്ത്രിക്കുവാനും ഇതിനോടകം പഠിച്ചു കഴിഞ്ഞു. ദിനംപ്രതി കൂടുതൽ മെച്ചപ്പെടുന്നു എന്നാണ് അനുഭവം കൂടുതൽ സന്തോഷവും ആത്മവിശ്വാസവും വർധിപ്പിച്ചു.
.jpeg)
